ՀՀ ոստիկանության թեժ գիծ
  • Ընդհանուր հարցերով
    (+374) 10 54-69-14
    (+374) 10 54-69-12
    Աշխ. ժամեր՝ 9-ից 18-ը: Ընդմիջում՝ 13-ից 14-ը:
    Հանգստյան օրեր՝ շաբաթ, կիրակի:
  • Ճանապարհային ոստիկանություն
    1-77, 060-83-10-22
    Ճանապարհային ոստիկանության հաշվառման և քննական ստորաբաժանումների գործառույթներին (վարորդական իրավունքի վկայական ստանալ, փոխանակել, տրանսպորտային միջոցներ հաշվառել, անվանափոխել և այլն) վերաբերող հարցերով
    060-83-83-02
  • Թրաֆիքինգի և անօրինական միգրացիայի հարցերով
    0800-505-50
  • Անձնագրային և վիզաների վարչություն
    (+374) 10 37-02-64
Ոստիկանության ստորաբաժանումներում գործող Թեժ գծերի պատասխանատուների տվյալները
  • Ընդհանուր հարցերով
    (+374) 10 54-69-14
    (+374) 10 54-69-12
    (պատասխանատու՝ հեռ. 011-58-76-03)
  • Ճանապարհային ոստիկանություն
    Բջջ. 1-77
    (պատասխանատու՝ հեռ. 060-83-10-23)
  • Անձնագրային և վիզաների վարչություն
    (+374) 10 37-02-64
    (պատասխանատու՝ հեռ. 011-37-06-00)
  • Թրաֆիքինգի և անօրինական միգրացիայի հարցերով
    0800-505-50
    հերթապահ մաս
    (պատասխանատու՝ հեռ. 011- 56-39-63)

Արևելյան Եվրոպայի օպերատիվ համակարգման հարցերով տարածաշրջանային գրասենյակի տնօրենն ու նրա տեղակալը ՀՀ ոստիկանությունում (ՏԵՍԱՆՅՈՒԹ և ԼՈՒՍԱՆԿԱՐՆԵՐ)

Արևելյան Եվրոպայի օպերատիվ համակարգման հարցերով տարածաշրջանային գրասենյակի տնօրենն ու նրա տեղակալը ՀՀ ոստիկանությունում (ՏԵՍԱՆՅՈՒԹ և ԼՈՒՍԱՆԿԱՐՆԵՐ)

Մարտի 24-ին ոստիկանության շտաբի պետ, ոստիկանության գեներալ-մայոր Արամ Զաքարյանն ընդունեց Արևելյան Եվրոպայի օպերատիվ համակարգման հարցերով տարածաշրջանային գրասենյակի տնօրեն, Իտալիայի ազգային ոստիկանության գնդապետ Պաոլո Սարտորիին և նրա տեղակալ, Իտալիայի ազգային ոստիկանության փոխգնդապետ Լորենցո Լեբինիին:
Ողջունելով հյուրերին՝ Արամ Զաքարյանը նշեց, որ կարևորում է Հայաստանի Հանրապետության ոստիկանության և Իտալիայի ազգային ոստիկանության միջև համագործակցությունը, որն իր փաստաթղթային ամրագրումն է ստացել դեռևս 2010 թ. ապրիլի 23-ին Հռոմում կնքված «ՀՀ կառավարության և Իտալիայի Հանրապետության կառավարության միջև ոստիկանական ոլորտում համագործակցության մասին» Համաձայնագրով: Երկկողմ հարաբերությունները խորացնելու վճռականությունը հավաստվեց նաև 2014 թ. փետրվարի 5-ին կայացած ՀՀ ոստիկանության պետ, գեներալ-լեյտենանտ Վլադիմիր Գասպարյանի և ՀՀ-ում Իտալիայի Հանրապետության արտակարգ և լիազոր դեսպան Ջովաննի Ռիչուլլիի հետ հանդիպման ընթացքում:
Շնորհակալություն հայտնելով ընդունելության համար՝ Պաոլո Սարտորին իր հերթին ներկայացրեց Լորենցո Լեբինիին, ով հանդիսանալով Ինտերպոլի կապի սպա-կցորդ Բուլղարիայում և Վրաստանում, այսուհետ կհամակարգի աշխատանքները նաև Հայաստանի Հանրապետության ոստիկանության հետ:
Կողմերը քննարկեցին փոխադարձ հետաքրքրություն ներկայացնող մի շարք հարցեր, մասնավորապես՝ տեղեկատվության փոխանակման, երկու երկրների ոստիկանական կառույցների փոխադարձ միջազգային համագործակցության, ոստիկանության ծառայողների վերապատրաստման վերաբերյալ:
Նույն օրը Իտալիայի Ազգային ոստիկանության պատվիրակությանը ընդունեց ոստիկանության կազմակերպված հանցավորության դեմ պայքարի գլխավոր վարչության պետ, ոստիկանության գնդապետ Ռաֆայել Զաքարյանը: Հանդիպման ընթացքում քննարկվեցին Համաձայնագրից բխող մի շարք կարևոր հարցեր, մասնավորապես` անդրազգային կազմակերպված հանցավորության, թմրամիջոցների ապօրինի շրջանառության, մարդկանց թրաֆիքինգի, անօրինական միգրացիայի դեմ պայքարի վերաբերյալ: Պայմանավորվածություն ձեռք բերվեց սերտորեն համագործակցել տեղեկատվության փոխանակման գործում:
Հաջորդ հանդիպումը տեղի ունեցավ ոստիկանության քրեական հետախուզության գլխավոր վարչության պետ, ոստիկանության գնդապետ Գագիկ Ավետիսյանի մոտ, ով նախ ներկայացրեց վարչության կառուցվաքը և գործառույթները, ապա անդրադարձ կատարեց երկու երկրների միջև ոստիկանական համագործակցությանը հետախուզվողների հայտնաբերման գործում: Կողմերը պայմանավորվեցին ակտիվացնել աշխատանքները երկուստեք հետաքրքրություն ներկայացնող հարցերում և հատկապես արդարադատությունից խուսափող անձանց հայտնաբերման գործում:
Այցի շրջանակներում հանդիպում տեղի ունեցավ նաև ոստիկանության կրթահամալիրի պետ, ոստիկանության գեներալ-լեյտենանտ Հովհաննես Վարյանի մոտ, ով ներկայացրեց ոստիկանական եռաստիճան կրթական համակարգը, ծանոթացրեց ակադեմիայի, ուսումնական կենտրոնի և քոլեջի ուսումնական գործընթացներին: Ներկայացվեց նաև միջազգային համագործակցությունը տարբեր ոստիկանական կրթական համալիրների հետ: Կողմերը պատրաստակամություն հայտնեցին սերտացնել համագործակցությունը ՀՀ ոստիկանության և Իտալիայի Ազգային ոստիկանության ուսումնական հաստատությունների մակարդակով:
Ավարտին պատվիրակությունը շրջայց կատարեց կրթահամալիրի տարածքում, այցելեց գրադարան, մարզասրահներ, լսարաններ, հրաձգարան, նաև ոստիկանության պատմության նորաստեղծ թանգարան: