Բնակարանային գողության մեջ կասկածվող երիտասարդները հայտնաբերվեցին

Հոկտեմբերի 10-ին ոստիկանության Իջևանի բաժնի քրեական հետախուզության բաժանմունքում բնակարանային գողության մասին հաղորդում էր ստացվել:
Ձեռնարկված օպերատիվ-հետախուզական միջոցառումների արդյունքում հոկտեմբերի 19-ին գողության մեջ կասկածվող 20-ամյա երիտասարդը հայտնաբերվել է: Այգեհովիտցի երիտասարդը ձերբակալվել ու տեղափոխվել է բաժին: Տավուշի մարզային վարչության և Իջևանի բաժնի ծառայողները համատեղ միջոցառումներով հայտնաբերեցին նաև գողության մեջ կասկածվող մյուս՝ 21-ամյա երիտասարդին, որը նույնպես Այգեհովիտ գյուղի բնակիչ է:
Նա ևս ձերբակալվեց ու տեղափոխվեց բաժին, որտեղ խոստովանել է, որ 20-ամյա ընկերոջ հետ մուտք են գործել նշված բնակարան և կենցաղային իրեր գողացել:
Դեպքի հանգամանքները նախաքննությամբ պարզվում են: